kanton tumhein phulon ki chubhan yaad rahegi bhuloge ki rudad-e-chaman yaad rahegi kya bhulne degi wo mujhe raat-ki-rani wo zulf wo khushbu-e-badan yaad rahegi ye zakhm-e-dil-e-zar to bhar jaega ek din lekin tere mathe ki shikan yaad rahegi tha saya-fagan jis pe koi fath ka parcham wo lash bhi be gor-o-kafan yaad rahegi manzil pe maza degi mujhe lazzat-e-manzil yani mujhe qadmon ki thakan yaad rahegi ye sach hai mujhe dad ki khwahish nahin 'saulat' na-qadri-e-arbab-e-sukhan yaad rahegi