khush-amdid kahta gulon ka jahan tha
ek dasht-e-be-aman magar darmiyan tha

meri barhana pusht thi kodon se sabz o surkh
gore badan pe us ke bhi nila nishan tha

kis khema-e-malal mein raaten basar huin
kis gham-kade pe mehrban na-mehrban tha

raushan alao hote hi aaya tarang mein
wo qissa-go khud apne mein ek dastan tha

is samt girya-zari o kafur ki mahak
us samt khush-libasi thi aur itr-dan tha