khwab kya tha jo mere sar mein raha raat bhar ek shor sa ghar mein raha ek kiran mehrab se lipti rahi ek saya adh-khule dar mein raha tutti banti rahin parchhaiyan khwahishon ka aks paikar mein raha main sar-e-taq-e-sada jal-bujh gaya tu wo shoala tha ki patthar mein raha paniyon mein mishalen bahti rahin aasman thahra samundar mein raha aaina-dar-aina shamen bujhin dekhna apne muqaddar mein raha