koi khushbu na phul hun main to
sar se pa tak babul hun main to

teri dargah se gila kaisa
khud ko bhi kab qubul hun main to

chandni mujh ko sajde karti hai
tere qadmon ki dhul hun main to

jaane mujh se bichhad gaya hai kaun
har janam mein malul hun main to

tifl-e-dil ki dua likhe jis ko
us ghazal ka school hun main to

kyun dikhate ho mujh ko talwaren
lajwanti ka phul hun main to

zakhm khata hun shukr karta hun
han khilafat usul hun main to

'ashk' is karobari duniya mein
aadmi ek fuzul hun main to