kuchh log rabt-e-khas se aage nikal gae
mataht apne boss se aage nikal gae

wo tis sal se hai wahi bis sal ki
hum khair se pachas se aage nikal gae

kuchh mah-jabin libas ke fashion ki daud mein
pabandi-e-libas se aage nikal gae

daka pada to lut ke hua hai ye faeda
hum khauf aur hiras se aage nikal gae

apne hi teacheron ki jo rakh lin tuitionen
bachche mere class se aage nikal gae

laila ke sath kar bhi aae jahez mein
majnun ye kah ke sas se aage nikal gae