kya bataun ki kis guman mein hun
mustaqil ek imtihan mein hun

aabla-pa hun aur safar mein hun
par-burida hun aur udan mein hun

khud-sari rakh ke shahzadi si
kuchh kanizon ke darmiyan mein hun

tu ki tufan mujhe samajh baitha
ghaur se dekh baadban mein hun

aap ne khat nahin likha warna
main to ab bhi usi makan mein hun

us ki aankhon mein dub kar main 'nishat'
khub-surat se ek jahan mein hun