main ek qarz hun sar se utar de mujh ko
laga ke danw pe ek roz haar de mujh ko

bikhar chuka hun gham-e-zindagi ke shanon par
ab apni zulf ki surat sanwar de mujh ko

hazar chehre ubharte hain mujh mein tere siwa
main aaina hun to gard-o-ghubar de mujh ko

kisi ne hath badhaya hai dosti ke liye
phir ek bar khuda e'tibar de mujh ko

main bhuk pyas ke sahra mein ab bhi zinda hun
jawaharaat ki kirnon se mar de mujh ko