main muddat se teri aamad ka yun aalam sajae hun ajab hai be-khudi dahliz pe nazren jamae hun hui tarikiyan rukhsat munawwar zist hai meri tumhaari yaad ke jugnu main palkon par sajae hun phiraya dar-ba-dar be-kal jahan mein khwab-o-khwahish ne musalsal hai sukun arman-o-hasrat ko mitae hun mahakti kaifiyat se hai moattar zindagi meri tumhaari ruh ki khushbu mein sanson mein basae hun ghane khud-gharzi-o-matalab-parasti ke andheron mein wasia imdad aur khidmat ki shamen jalae hun