makan andar se khasta ho gaya hai
aur is mein ek rasta ho gaya hai

unhen manzur karna hi padega
ariza dast-basta ho gaya hai

siyasi rahnumaon ki badaulat
hamara khun sasta ho gaya hai

kaman-e-jism hai maujud lekin
shabab ek tir-e-jasta ho gaya hai

zubun hai is qadar duniya ki haalat
hamara gham bhi khasta ho gaya hai

shikasta aur paspa 'kirshn' mohan
hamara fauji dasta ho gaya hai