mere har ek sans mein shirkat hai aah ki
khae hue hun chot tumhaari nigah ki

kya rukh badal badal ke mujh aashufta-haal par
parchhaiyan padin teri zulf-e-siyah ki

badhti gai gunah ki lazzat gunah mein
padti gai gunah se aadat gunah ki

sab kuchh nibahna hai bahut sahl aaj-kal
yani nibah shart nahin hai nibah ki

anjam aashkar hai mujh gham-nasib ka
li hai panah tere gham-e-be-panah ki