mere murshid ho peshwa ho tum
meri surat mein muddaa ho tum

dhundhe pata nahin tumhein har shakhs
par sabhon mein khala-mala ho tum

mani-e-mustafa tumhin to ho
kashif-e-sirr-e-la-makan ho tum

jaan bhi ho dil ho jumbish-e-aza
bud ho kal meri baqa ho tum

jab tumhin tum ho har ada meri
phir bhala mujh se kab juda ho tum

har jagah jab tumhin ho ghair nahin
donon aalam mein barmala ho tum

'shah-e-mardan-e-safi' se sun lo saf
jis ko the dhundte dila ho tum