mohabbat ka safar he aur main hun
wo manzur-e-nazar hai aur main hun

parinda be-rukhi ka ud raha hai
wafa ka ek shajar hai aur main hun

qafas mein le chala sayyaad mujh ko
khayal-e-baal-o-par hai aur main hun

safar aasan kitna ho gaya hai
wo mera ham-safar hai aur main hun

wahi aangan wahi mehrab-o-mimbar
wahi diwar-o-dar hai aur main hun

ab un ka gham bhi apna gham hai 'rizwan'
udhar ka haal idhar hai aur main hun