mujh ko har lamha nai ek kahani dega
har kahani mein tera rang dikhai dega

kal jo ek lafz na sunta tha safai mein meri
aaj wo shakhs mere haq mein gawahi dega

jis ne qaem kiya ye rishta qalam se mera
ab kahan wo mujhe duniya mein dikhai dega

waqt-e-akhir na mulaqat meri us se hui
har ghazal mein meri ye nauha sunai dega

ek misre ki tarah wo to akela hi raha
jab bhi dekhoge akela hi dikhai dega

kyun hawa tez chali nind se wo jag pada
khwab tuta hai to ilzam mujhe hi dega