mujh ko kahan ye hosh teri jalwa-gah mein jalwe mein hai nigah ki jalwa nigah mein wo kya nigah jo na kisi dil mein ghar kare wo dil hi kya na ho jo kisi ki nigah mein mujh ko zamane-bhar ke ghamon se najat hai jab se hai mera dil tere gham ki panah mein pahle gunahgar tamasha hui nigah lazzat-sharik phir hua dil is gunah mein nisbat hi kya sawab ko mere gunah se sau sau sawab hain mere ek ek gunah mein tere jamal-e-naz ka husn-e-kamal hai khud jalwa ban gaya hun teri jalwa-gah mein aabaad hai jahan-e-wafa un ki yaad se barbaad ho gae jo mohabbat ki rah mein uthti nahin nigah kisi samt ai 'sahab' kis husn-e-be-badal ke hain jalwe nigah mein