mukhalifin ko hairan karne wala hun main apni haar ka elan karne wala hun suna he dasht mein wahshat sukun pati hai so apne aap ko viran karne wala hun faza mein chhod raha hun khayal ka tair sukut-e-arsh ko gunjaan karne wala hun mita raha hun khirad ki tamam tashbihen junun ka rasta aasan karne wala hun haqiqaton se kaho hoshiyar ho jaen main apne khwab ko mizan karne wala hun koi khuda-e-mohabbat ko ba-khabar kar de main khud ko ishq mein qurban karne wala hun saja raha hun tabassum ka ek naya lashkar hujum-e-yas ka nuqsan karne wala hun