na un ka tarz na mera shiar khatm hua
na aae wo na mera intizar khatm hua

hai tishnagi ko abhi ju-e-bar ki ummid
agarche silsila-e-kohsar khatm hua

ab aashkar hui hai haqiqat-e-duniya
khud apne aap pe jab ikhtiyar khatm hua

na tha bharosa to rakhte hi kaise ummiden
suluk-e-waqt se har eatibar khatm hua

har ek shakl nazar aa rahi hai aaina
tilism-e-ishq ka gard-o-ghubar khatm hua