nadi kinare jo naghma-sara malang hue
hubab mauj mein aa aa ke jal-tarang hue

iram ke phul azal ka nikhaar tur ki lau
sakhi chanab ki wadi mein aa ke jhang hue

kabhi jo saz ko chheda bahaar-maston ne
to gang gang shajar ham-zaban-e-chang hue

ata kiya tere mathe ne jin ko id ka chand
nisar un pe sitaron ke rag rang hue

shab-e-hayat mein insan ke walwale 'afzal'
ubhar ke tare bane kahkashan ke sang hue