nafas nafas ko hawa ki rikab mein rakhna wajud apna kaf-e-aftab mein rakhna gharib-e-shahr tujhe tishnagi na le dube sambhal ke apna qadam dasht-e-ab mein rakhna ye wo gulab hain jo dhup sah nahin sakte unhen hamesha shab-e-mahtab mein rakhna ki jin ka chashm-e-nazara tawaf karne lage kuchh aise naqsh bhi diwar-e-khwab mein rakhna wo khwah phul ho mahtab ho ki saghar ho koi bhi shai ho na us ke jawab mein rakhna hasin lafzon ki surat hain khadd-o-khal us ke 'mubarak' un ko bhi apni kitab mein rakhna