nafi ko qarya-e-isbaat se nikalta hun
main apni zat teri zat se nikalta hun

kashid karta hun main din ki aag se thandak
aur apni dhup kahin raat se nikalta hun

tu ek rukh pe hai mahw-e-kalam lekin main
kai maani teri baat se nikalta hun

dua ke haale bana kar tere jamal ke gird
tujhe main gardish-o-afat se nikalta hun

mera kamal main apni bulandiyan 'shahzad'
haqir-o-past maqamat se nikalta hun