phir andheron ne raste roke
phir nae khizr hain nae dhoke

gham ke maron ki sadgi dekho
mangte hain ye har khushi ro ke

hum ki juya-e-alam-e-nau the
ghar ko laute kahan kahan ho ke

hum se mat puchh subh kab hogi
hum ne sadiyan ganwai hain so ke

juz ajal koi to sila milta
zindagi tere bojh ko dho ke

zahar zindan salib yaad aae
zehn mein tukhm-e-agahi bo ke

baat insan ki kyun sune 'ahsan'
jo farishta ho wo use toke