rang kuchh shokh se taswir mein bhar kar dekho zindagi shokh hai is shokh pe mar kar dekho ek pal ke liye 'mumtaz' thahar kar dekho dil ki jaanib bhi zara ek nazar kar dekho apni hasti ka sanam todo to paoge najat ret ke zarron ki manind bikhar kar dekho kitna pyara hai jahan kitni hasin hai ye hayat yas o andoh ke dariya se guzar kar dekho lab-e-sahil pe to 'mumtaz' na mil paya sukun sail-e-tufan-e-hawadis se guzar kar dekho