ruh tanha gai jannat ko subuk-sari se
chaar ke kandhe utha jism giranbari se

taq taqat hai gham-e-hijr ki bimari se
baithte uthte hain aahon ki madad-gari se

husn-e-rukhsar badha khat ki numudari se
zinat-e-safha hui jadwal-e-zangari se

tu jo talwar se nahlae lahu mein mujh ko
ghusl-e-sehhat hua bhi ishq ki bimari se

aur to tark kiya sab ne shab-e-furqat mein
bekasi baz na aai meri gham-khwari se