sang-zanon ke waste phir nae raston mein hai wahshat-e-jaan ka masala shishe ke jangalon mein hai utri thin dasht par kabhi barg-o-samar wo aahaten qaht-e-sada-e-dostan phir se samaaton mein hai jin mein nihan raha kabhi nikhat-o-gul ki qurbaten had-e-zamin-o-asman ab inhi rabton mein hai kisi ne zamin ke jism se fasl-e-visal chhin li arsa-e-hashr sa bapa ruh ki khetiyon mein hai dil se lahu ke shor tak zakhm ka silsila rawan shorish-e-bahr-e-be-karan aaj se phir ragon mein hai aalam-e-be-hijabi-e-jaan ka saman kuchh aur tha har bun-e-mu ka harf-e-dil yun to khula labon mein hai tare se samt bhi alag naw se rah bhi juda ramz-e-musafirat chhupa chup ke samundaron mein hai