shajar kalam karen shahr bhi naya ho jae
main ek ism padhun aur moajiza ho jae

ye log fart-e-tahayyur se mar bhi sakte hain
agar ye khwab haqiqat mein runuma ho jae

gale milo ki salamat hain aaj hum donon
kise khabar ki yahan kaun kab juda ho jae

ye barmala jo main iqbaal-e-ishq karta hun
ajab nahin ki mujhe ishq mein saza ho jae

ye dil qayam pe mail hai in dinon warna
asa uthaun to dariya bhi rasta ho jae