shama ulfat ki bujha dun ye kahan mumkin hai teri yaadon ko mita dun ye kahan mumkin hai meri ulfat ka hai dil mein tere aana-jaana koi diwar laga dun ye kahan mumkin hai maut ke baad bhi tujh ko hai bhulana mushkil jite ji tujh ko bhula dun ye kahan mumkin hai sirf khushiyon ko pata tera bata deti hun gham ko tera main pata dun ye kahan mumkin hai tod kar dil ko 'sikhar' us ne khata ki lekin apne dilbar ko saza dun ye kahan mumkin hai