subu mein aks-e-rukh-e-mahtab dekhte hain sharab pite nahin hum sharab dekhte hain kisi bhi taur uthe par teri nigah uthe jala ke ghar tujhe khana-kharab dekhte hain use na dekh sakenge ai kash inhen dekhen wo kaun hain jo ise be-naqab dekhte hain hamare chehre pe likkha gaya fasana-e-waqt hum aaina nahin takte kitab dekhte hain wo hai hi laiq-e-sajda so hum ne sajda kiya wo aur hain jo azab o sawab dekhte hain hawas na jaan tujhe chhu ke dekhna ye hai tujhe hi dekh rahe hain ki khwab dekhte hain