us raste par jate dekha koi nahin hai ghar hai ek aur us mein rahta koi nahin hai kabhi kabhi to achchha-khasa chalte chalte yun lagta hai aage rasta koi nahin hai ek saheli bagh mein baithi roti jae kahti jae sathi mera koi nahin hai mehr-o-wafa qurbani qisson ki hain baaten sachchi baat to ye hai aisa koi nahin hai dekh ke tum ko ek uljhan mein pad jati hun main kahti thi itna achchha koi nahin hai us ki wafadari mashkuk thahar jati hai kar-e-wafa mein dushman jis ka koi nahin hai