virane bagh bagh hain meri nigah se
zarraat shab-e-charagh hain meri nigah se

meri nazar shua jigar-soz-o-jaan-gudaz
raushan dilon ke dagh hain meri nigah se

hai kis qadar hasin ye taswir-e-kaenat
khush-rang bagh-o-ragh hain meri nigah se

saqi ki chashm-e-mast pe ilzam aa na jae
labrez sab ayagh hain meri nigah se

wo be-niyaz-e-dard-o-gham-e-zindagi 'niyaz'
wo log ba-faragh hain meri nigah se