ye ada aap mein sarkar kahan thi pahle
ye nazar aap ki talwar kahan thi pahle

hashr-saman teri raftar kahan thi pahle
teri pael mein ye jhankar kahan thi pahle

khalq yusuf ki kharidar kahan thi pahle
misr mein garmi-e-bazar kahan thi pahle

ye to jalwon ka tasarruf hai tumhaare warna
anjuman matla-e-anwar kahan thi pahle

faiz hai mast-nigahi ka teri ai saqi
zindagi warna ye sarshaar kahan thi