ye aur baat ki gamle mein ug raha hun main
zaban bhul na pae wo zaiqa hun main

andheri shab mein hararat badan ki raushan rakh
wahi karunga ishaara jo kar raha hun main

sukhan safar mein badan us ne khol rakkhe hain
zara sa saya-e-diwar chahta hun main

main chahta hun kahun ek nak-chadhi si ghazal
agarche halqa-e-yaran mein nak-chadha hun main

mujhe qarib se dekho mujhe padho samjho
nae safar nae mausam ka qafila hun main