ye hain tairak magar haal ye in ke dekhe
gharq hote hue tufan mein tinke dekhe

chhin lete hain jo insan se ehsas-e-nazar
wo andhere kisi shab ke nahin din ke dekhe

aa gaya yaad unhen apne kisi gham ka hisab
hansne walon ne mere ashk jo gin ke dekhe

wo ajab shan ka ghar hai ki jahan par sab log
ek hi shakl ke aur ek hi sin ke dekhe

ye ghalat hai ki rida le ke sitamgaron ne
un ke munh dekh liye panw na jin ke dekhe