ye jo thahra hua manzar hai badalta hi nahin waqia parda-e-saat se nikalta hi nahin aag se tez koi chiz kahan se laun mom se narm hai wo aur pighalta hi nahin ye meri khams-hawasi ki tamasha-gahen tang hain un mein mera shauq bahalta hi nahin paikar-e-khak hain aur khak mein hai saql bahut jism ka wazn talab hum se sambhalta hi nahin ghaaliban waqt mujhe chhod gaya hai pichhe ye jo sikka hai meri jeb mein chalta hi nahin hum pe ghazlen bhi namazon ki tarah farz huin qarz na-khwasta aisa hai ki talta hi nahin