ye kah ke aag wo dil mein lagae jate hain charagh khud nahin jalte jalae jate hain ab is se badh ke sitam doston pe kya hoga wo dushmanon ko gale se lagae jate hain gharibi jurm hai aisa ki dekh kar mujh ko nigahen pher ke apne parae jate hain kashish charagh ki ye baat kar gai raushan patinge khud nahin aate bulae jate hain tajalliyon ke hijabaat hain khayal rahe ye parde dast-e-nazar se uthae jate hain hamein mili hai jagah jab se aap ke dil mein jahan hain aap wahan hum bhi pae jate hain na puchh haal-e-shab-e-gham na puchh ai 'purnam' bahae jate hain aansu bahae jate hain