zad-e-rah mukammal hai
hausla mukammal hai

khwab mar chuke hain sab
saneha mukammal hai

ishq jo kiya tum se
ba-khuda mukammal hai

tum kaho jo kahna hai
takhliya mukammal hai

ab kahin na bhatkunga
ye khuda mukammal hai

man ne hath uthae hain
ye dua mukammal hai

tum ne jo sunai hai
baat kya mukammal hai

ab kisi ko kya dekhun
dil diya mukammal hai

us ki aankh kahti hai
shaera mukammal hai

ek bosa kafi hai
nashta mukammal hai