zahe qismat agar tum ko hamara dil pasand aaya magar ye dagh kyun kar ai mah-e-kaamil pasand aaya kiya hai qatl lekin dekhiye jaan kab nikalti hai ki un ko raqs-e-betabana-e-bismil pasand aaya wo momin bhi hai mangega dua sidq-e-tanasukh ki tere hathon se marna jis ko ai qatil pasand aaya na puchho kab se main shamil hua hun tira-bakhton mein kisi ke aariz-e-raushan ka jab se til pasand aaya ye gustakhi hai ai 'mahrum' apni had se badhta hai ki ta-hadd-e-zamin-e-ghaalib-e-mushkil-pasand aaya