zindagi zauq-e-parastish ki saza mange hai kanch ke kabe mein patthar ka khuda mange hai aaj phir apne payambar ki panahon ke liye ahd-e-ashob koi ghaar-e-hira mange hai zindagi aaj hai insan ki to misl-e-qafas umr-e-paiham ke liye apni chita mange hai husn-kari ke liye aaj ye dildar-e-sukhan rang-e-khun aur zara bu-e-hina mange hai minnat-e-gosh nahin qafila-e-waqt-e-'sahar' lamha lamha wo magar bang-e-dara mange hai