mujhe na samajhne wale kuchh na samajhne wale aksar milte hain aur aage bhi milte rahenge dekho tumhaare hone na hone se koi khas farq nahin aaya in ki be-rukhi aksar tumhaari shakl le leti hai aur mujhe tumhaari kami ka zara bhi ehsas nahin hota kash tumhein bhi kuchh aise pagal log milen jo tumhein samajhne ki zid mein aur pagal hue ja rahe hon aur tum ek aam waqia samajh ke bhul jao mujhe