mere hath par likh do faisla judai ka itna mukhtasar likhna jitni tum ne mujh jaise kam-nasib shair se mukhtasar mohabbat ki itna mukhtasar likkho faisla judai ka jitni mujh mein sansen hain jitni meri hasti hai jis mein aaj se pahle wasl ke gulabon ki raushni mahakti thi faisla judai ka ab tawil mat likhna jis tarah meri chahat jis tarah meri khwahish faisla judai ka gar tawil likkhogi tab main padh na paunga main to ab judai ke faisle ko padhne tak zindagi ka sathi hun zindagi tumhaari hai