ab ye kaisi uljhan hai
ab ye kaisa jhagda hai

baat thi mohabbat ki
aur tum mohabbat par

ek hi mohabbat par
kab yaqin rakhte the

tum to har ghadi apni
dil-barana aankhon mein

ek nai rifaqat ka khwab le ke uthte the
aur apni shamon mein

apne khwab-o-khwahish ke
be-libas jazbon ko

shauq se sajate the
aur aise aalam mein

jism-o-jaan ke mausam mein
ek hum hi uljhan the

hum to ja chuke jaanan
dil pe bewafai ke

zakhm kha chuke jaanan
ab ye kaisi uljhan hai

ab ye kaisa jhagda hai