muslim se tanaffur aur kuffar se yarana
aakhir ye qala-bazi kyun kha gae maulana

laxmi ki mohabbat ne dil moh liya itna
munh mod ke kabe se pahunche su-e-but-khana

islam tajjub se angusht ba-dandan hai
marghat mein jale shama tauhid ka parwana

thaali mein siyasat ki bengan ki tarah lundhke
aur is ko samajhte hain ek chaal harifana

public ke phansane ko sab jal ke phande the
ye desh ye amama aur subha-e-sad-dana