bahut ayyar the wo log wo sara din khuda ko yaad karte masjidon mein jate rote gidgidate aur tasbihen padha karte zamana mo'taqid tha is qadar un ka wo jab bahar nikalte log un ke raste ki gard ko apne amamon se hatate the un ki khatir khwan par nemat sajate the magar jab raat aati aur andhere har dar o diwar par kheme apne nasab kar lete dakuon ka bhes lut lete aabru mal o zar lal o guhar aur phir wo subh-dam sidq o safa ka dars dete aur sabr-o-raza ki shahr ko talqin karte aur phir masruf ho jate ibaadat mein wo apni unhen shaddad ki jannat ilahi ki raza se chahiye thi
Please share if you liked this!!!