rafaqaton ke tawil raste
pe chalte chalte

bahut hi ukta gaya tha jaanan
to ye bhi achchha hua

ki ek din wo mod aaya
ki jis ki pagdandiyan juda thin

bas ek ishaara thi wo hi saat
wahi to lamha tha faisle ka

wo hath ab hum ko chhodna the
ki jin ko thame bahut dinon se

rafaqaton ke safar mein
donon hi ham-qadam the

to phir wo lamha bhi aa gaya jab
baghair tamhid-e-hijr koi

bichhad gae hum
alag dishaon ka qasd bandhe