nile sayon ki raat thi wo wo sahil-e-shab pe so gai thi wo nile sae hawa ke chehre pe aur badan pe aur us ki aankhon mein so rahe the aur us ke honton pe surkh khushbu ki dhup us shab chamak rahi thi wo sahil-e-shab wo nile pani wo aasmanon se surkh patton ki tez barish wo tez barish badan pe us ke gulab-mausam ke in dinon mein wo sahil-e-shab pe so gai thi wo surkh khushbu ki tez dhupon mein kho gai thi