ba-rang-e-kaif-o-sarshaari hadis-e-dil kaho hamdam! hama-tan gosh hai saat sharab-e-shab utarti hai bahut aahista aahista sifal-e-khwab mein maddham tumhein is pal ijazat hai kaho! yun khalwat-e-jaan mein bilorin chudiyan chhan chhan chhanakti shor karti hain mera dil dol jata hai wufur-e-husn mein lipti tumhaari ambarin zulfen dhdakna bhul jata hai kaho! kajal siyah kajal dhanak rangon ka mela hai kaho! poren khayalon ki sunahri jild mein jalte diyon par raqs karti hain surahi-dar gardan par damakti nuqrai mala tumhaare kan ki baali ye jadugar! ye ishwa-gar talab ki be-zabani ko ata karte hain goyai tumhein is pal ijazat hai kaho yun bhed ke jaise sarakta raat ka aanchal hawa mein sarsaraata hai sitara shauq ka meri nazar mein jhilmilata hai kaho! na mausam-e-gul hai, gulabon ki qataron mein damakte shabnami lamhe tumhaare lams ke pyase bahr mauj-e-nafas thahra sukut-e-shauq ka mausam tumhein aawaz deta hai tamanna git ki surat labon par gungunati hai mohabbat be-muhaba ek lamhe ko tarasti hai tamanna be-khabar! ghafil fusun-e-khwab ki muddat bahut thodi bahut kam hai
This is a great kajal wali shayari. True lovers of meri chudiyan shayari will love this. For some people shayari is the most enjoyable thing in life and they absolutely adore mohabbat shayari video. Please share if you liked this!!!