ai saba nikhat-e-gesu-e-muambar lana

ai saba nikhat-e-gesu-e-muambar lana
koi tohfa gul-o-nasrin se khush-tar lana
shabnamistan-e-mohabbat ki hasin rahon se
khunki-e-shabnam-o-nur-e-mah-o-akhtar lana
jaan-ba-lab hain tere mushtaq sar-e-rah-e-hayat
dam-e-isa-o-mai-e-lal-o-gul-e-tar lana
ishq ho mast-o-ghazal-khwan-o-surahi-bar-dosh
zindagi taza-o-sarshaar-o-muattar lana
dar-khur-e-mahfil-o-shayan-e-kharabaat-e-mughan
aatishin mutrib-o-be-bak nawa-gar lana
tujh ko andoh-e-asiran-e-qafas ki saugand
aarzuon ke hasin phul khila kar lana
kushtagan-e-sitam-e-daur-e-khizan hain hum log
apne hamrah bahaaron ka payambar lana
is nae daur ke sheron mein taghazzul kam hai
meri uftad tabiat ka sukhnawar lana
This is a great dr naseem nikhat shayari. True lovers of akhtar hindustani shayari will love this. For some people shayari is the most enjoyable thing in life and they absolutely adore tera tohfa shayari. Please share if you liked this!!!