fuzul waqt samajh ke guzar kar mujh ko
wo ja raha hai kahin dur mar kar mujh ko

talash mujh ko hai us chahaton ki dewi ki
jo chhup gai hai hamesha pukar kar mujh ko

tamam umr tere intizar mein hamdam
khizan-rasida raha hun bahaar kar mujh ko

tera khulus to chehre badalta rahta hai
ki ek pal ko hi apna shumar kar mujh ko

'nadim' us ka purana libas hun shayad
wo lag raha hai bahut khush utar kar mujh ko