aabaad gham-o-dard se virana hai us ka tuta hua jo dil hai wo kashana hai us ka jis dil mein ki hai shauq wo paimana hai us ka jis aankh mein hai kaif wo mai-khana hai us ka jab dekhiye kahta hai wahi zikr sunao malum hua shauq bhi diwana hai us ka behosh agar main hun to ba-hosh kahan hai jo khalq hai is dahr mein diwana hai us ka din-raat hai ye maskan-e-anwar-e-tasawwur sina jise kahte hain pari-khana hai us ka joban ki safai se phisalti hain nigahen padti hai jidhar aankh pari-khana hai us ka ai dil hawas-e-wasl se mushtaq hain mahrum jaan awwal-e-didar mein begana hai us ka jo sina-e-raushan hai wo hai manzil-e-ulfat jo dil sifat-e-shama hai parwana hai us ka kahte hain jise husn wo hai shama-e-jahan-tab kahte hain jise ishq wo parwana hai us ka jab fasl-e-gul aati hai sada deti hai wahshat zanjir ka gul nala-e-mastana hai us ka dekha to safar ruh ko hota hai usi se kahte hain jise maut wo parwana hai us ka gauhar se fuzun dida-e-ashiq ke hain aansu daman mein hai mashuq ke jo dana hai us ka kuchh rutba-e-ashiq se bhi ai jaan ho khabar-dar saman kai roz se shahana hai us ka munh aashiq-e-sadiq ke na chadh waiz-e-makkar har haal mein jo haal hai rindana hai us ka aagah nahin qissa-e-mansur se ai dil dushman hon zan-o-mard wo yarana hai us ka kya puchhte ho haal-e-'nasim'-e-jigar-afgar dekha jise khush-waza wo diwana hai us ka