ab hathon mein pyar hai sahab
aur dil mein talwar hai sahab

ulti ulti rasmen le kar
ye ulta sansar hai sahab

majburi ki zanjiren hain
ishrat ka bazar hai sahab

sab dariya mein dub rahe hain
sab ki nayya par hai sahab

bhuke bachche jag rahe hain
man ghar mein bimar hai sahab

hum sab hi daryuza-gar hain
roti ka bewpar hai sahab

darwaze par aas lagi hai
sat samundar par he sahab

manzil manzil dhund raha hun
kis jaanib 'rukhsar' hai sahab