abhi surur-e-jam hai to hosh hai qarar hai
ye wahshaton ka daur hai na ishq hai na pyar hai

wo laut aaega agar udan khatm ho gai
abhi to aasman mein hai abhi to dhun sawar hai

bhatak rahi hai ruh kyon kabhi nahin laga tumhein
chukana baqi rah gaya jo jism ka udhaar hai

lo mil gaya na khak mein ye hashr hai sharir ka
wo chaar inten dekh lo wo meri hi mazar hai

use kaha bhi jae kya abhi nahin sunega wo
naya naya sa shauq hai naya naya sa pyar hai