ai gham-e-dost tera wo hi sahaara hoga be-khabar rah ke tujhe jis ne bulaya hoga apne aangan mein abhi tak wo bhatakta hoga naqsh-e-pa aap ka jis ne bhi mitaya hoga apne mazi ke kuchh auraq ulat kar dekho koi to hoga jo ab tak wahin thahra hoga ye samajh kar hi chhupa rakha hai aankhon mein use aap ka aks magar aap se pyara hoga ab bhi sine mein liye aag mein jalti hun nadim ek na ek din mere ghar mein bhi ujala hoga meri barbaad tamannaon pe hansne wala apni palkon ko bhi kuchh der bhigoya hoga 'naz' behtar to yahi hai ki ghar ab laut chalen kya khabar koi sar-e-sham hi aaya hoga